បងប្រុស លាង បញ្ញា គិតគូរដល់ការរស់នៅរបស់គ្រួសារ ប្រើប្រាក់កម្ចី អិលអូអិលស៊ី (LOLC) ជួយឱ្យអាជីវកម្ម និងជីវភាពល្អប្រសើរ
បងប្រុស លាង បញ្ញា គឺជាជាងជួសជុលម៉ូតូកង់បី និងភរិយារបស់គាត់ប្រកបរបរជាអ្នកលក់ចាប់ហួយ និងភេសជ្ជគ្រប់មុខ ស្ថិតនៅភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។
បងប្រុស គឺជាស្វាមី និងជាឪពុកដែលមានការទទួលខុសត្រូវខ្ពស់ ព្រោះបានគិតគូរដល់ការរស់នៅក្នុងគ្រួសារ។ ក្នុងន័យនេះ គាត់បានប្រើប្រាស់កម្ចីពី អិលអូលអិលស៊ី (LOLC) ក្នុងគោលបំណងទិញផ្ទះ ដើម្បីឱ្យភរិយា និងកូនរបស់គាត់រស់នៅប្រកបដោយសុខុមាលភាព បន្ទាប់ពីស្នាក់នៅផ្ទះជួលអស់រយៈពេលជាច្រើនឆ្នាំ។ បន្ថែមពីនេះ បងប្រុសក៏បានប្រើប្រាស់កម្ចី ដើម្បីទិញគ្រឿងបន្លាសសម្រាប់ជួសជុសម៉ូតូកង់បី និងទំនិញបន្ថែមសម្រាប់របររបស់ភរិយា ក្នុងន័យពង្រីករបរទាំងពីរឱ្យកាន់តែធំ និងមានសក្កានុពល។
ដូចការរំពឹងទុក ប្រាក់ចំណូលរបស់បងប្រុស និងភរិយា បានកើនឡើងច្រើនជាងមុន បន្ទាប់ពីរបររបស់ពួកគាត់ទាំងពីរ បានរីកចម្រើនយ៉ាងល្អប្រសើរ ជាពិសេសគាត់មានផ្ទះផ្ទាល់ខ្លួនសម្រាប់រស់នៅ។ បងប្រុស បានលើកឡើងថា៖ “ខ្ញុំពិតជារីករាយដែលបានស្គាល់ អិលអូអិលស៊ី (LOLC) ដែលបានផ្តល់កម្ចីជាដើមទុនសម្រាប់ពង្រីកមុខរបរ ហើយធ្វើឱ្យជីវភាពគ្រួសាររបស់ខ្ញុំមានភាពរីកចម្រើនមកដល់សព្វថ្ងៃនេះ។”
បងស្រី ទ្រី មួយឡេង និងស្វាមី ប្រើប្រាស់កម្ចីធ្វើឱ្យអាជីវកម្មមានការរីកចម្រើន និងបង្កើនគុណភាពនៃជីវិតកាន់តែប្រសើរ
“អរគុណ អិលអូអិលស៊ី (LOLC) ដែលបានផ្តល់ប្រាក់កម្ចីសម្រាប់ការពង្រីកអាជីវកម្មប្តីប្រពន្ធរបស់ខ្ញុំឱ្យមានការរីកចម្រើនដូចសព្វថ្ងៃ និងអាចមានលទ្ធភាពកែលម្អគេហដ្ឋានរបស់យើងឱ្យបានធំ និងមានផាសុកភាពជាងមុន” ប្រសាសន៍បងស្រី ទ្រី មួយឡេង។
បងស្រី ទ្រី មួយឡេង គឺជាជាងអ៊ុតសក់ ហើយស្វាមីជាជាងផ្សារដែក នៅភូមិដំណាក់ចំបក់ ឃុំសំរោងលើ ស្រុកបន្ទាយមាស ខេត្តកំពត។ ដំបូងឡើយ បងស្រី និងស្វាមីគ្រាន់តែមានបំណងកែលម្អគេហដ្ឋានរបស់ខ្លួនឱ្យបានល្អប្រសើរប៉ុណ្ណោះ ហើយក៏បានជ្រើសរើស អិលអូអិលស៊ី (LOLC) សម្រាប់ការកែលម្អនេះ។ បន្ទាប់មក ដោយយល់ច្បាស់ពីភាពងាយស្រួលនៃការប្រើប្រាស់ផលិតផល និងសេវាកម្មដ៏ល្អ ហើយមានលក្ខណៈសមរម្យសម្រាប់ពួកគាត់ផងដែរនោះ ទើបជំរុញឱ្យបងស្រី ស្នើកម្ចីពីរវគ្គបន្ថែមទៀត សម្រាប់ពង្រីកមុខរបររបស់គាត់ និងស្វាមី ដោយបានទិញដែកសម្រាប់អាជីវកម្មស្វាមី និងបំពេញសម្ភារសាឡនបន្ថែមសម្រាប់របររបស់ខ្លួនឱ្យកាន់តែសម្បូរបែប ដើម្បីបង្កើននូវសេវាកម្មឱ្យកាន់តែល្អសម្រាប់ភ្ញៀវ។
ជាការពិតណាស់ប្រាក់ចំណូលរបស់ បងស្រី និងស្វាមីពិតជាកើនឡើងគួរឱ្យគត់សម្គាល់ តាមរយៈភាពរីកចម្រើននៃអាជីវកម្មរបស់ពួកគាត់។ នេះបានបង្ហាញ ពីការប្រើប្រាស់កម្ចីចំគោលដៅ និងប្រកបដោយភាពរីកចម្រើន ដែលស្របនឹងបេសកកម្មរបស់ អិលអូអិលស៊ី (LOLC) ក្នុងការបង្កើតនូវលទ្ធផលវិជ្ជមានដល់អតិថិជន តាមរយៈផលិតផល និងសេវាកម្មរបស់ខ្លួន។
បងប្រុស ទ្រី រដ្ឋា
ការប្រើប្រាស់កម្ចីចំគោលដៅ ពិតជានាំឱ្យអាជីវកម្មរីកចម្រើន និងជីវភាពរស់នៅល្អប្រសើរ
បងប្រុស ទ្រី រដ្ឋា គឺជាអាជីវករលក់ហ្គាស នៅភូមិភ្នំ សង្កាត់យក្សឡោម ក្រុងបានលុង ខេត្តរតនគិរី។ បងប្រុសបានឱ្យដឹងថា មុនពេលអាជីវកម្មរបស់គាត់រីកចម្រើនដូចសព្វថ្ងៃ ដើមទុនជាកង្វល់ដ៏ធំសម្រាប់គាត់ក្នុងដំណើរការពង្រីកអាជីវកម្មនេះ។ យ៉ាងណាមិញ កង្វល់ទាំងនោះត្រូវបានរសាយបន្ទាប់ពីមានការគាំទ្រដំណោះស្រាយផ្នែកហិរញ្ញវត្ថុពី អិលអូអិលស៊ី (LOLC)។
បងប្រុស បានប្រើប្រាស់កម្ចីពី អិលអូអិលស៊ី (LOLC) ជាច្រើនវគ្គ ដើម្បីសម្រេចគោលបំណងក្នុងការពង្រីកអាជីវកម្មរបស់គាត់ ដោយបានទិញធុងហ្គាស និងហ្គាស ព្រមទាំងទិញដីបន្ថែមសម្រាប់ពង្រីករបរដែលគាត់កំពុងធ្វើសព្វថ្ងៃនេះ។ ជាក់ស្តែង ការប្រើប្រាស់កម្ចីបានចំគោលដៅ ពិតជានាំឱ្យអាជីវកម្មរបស់បងប្រុសរីកចម្រើន បង្កើនប្រាក់ចំណូលច្រើនតាមការរំពឹងទុករបស់គាត់មែន។
តាមរយៈភាពរីកចម្រើននេះ បានធ្វើឱ្យបងប្រុសមានលទ្ធភាព ប្រែគេហដ្ឋានរបស់គាត់ពីផ្ទះតៀមឈើ មកជាផ្ទះថ្មវីឡាកូនកាត់យ៉ាងស្អាតគួរជាទីស្នាក់នៅប្រកបដោយផាសុកភាពហើយបានទិញរថយន្តសម្រាប់ប្រើប្រាស់ក្នុងគ្រួសារផងដែរ។ ភាពរីកចម្រើននៃអាជីវកម្មសព្វថ្ងៃ ជំរុញឱ្យបងប្រុស មានក្តីស្រមៃចង់បើកស្ថានីយលក់សាំង និងហ្គាសដ៏ធំមួយនាពេលអនាគតទៀតផង។
បងប្រុសវុន វីត ដោយមានការគាំទ្រដំណោះស្រាយផ្នែកហិរញ្ញវត្ថុពី អិលអូអិលស៊ី (LOLC) អាចផ្លាស់ប្តូររបរពីកម្មករសំណង់ ទៅជាអ្នកលក់ចាប់ហួយ និងលក់ទឹកក្រឡុក
អតីតកាលធ្លាប់ជាកម្មករសំណង់ និងភាពលំបាកក្នុងការរកប្រាក់បានបង្រៀន បងប្រុសវុន វីត ឱ្យចេះរិះរកវិធីក្នុងការបង្កើនចំណូល ដោយបានផ្លាស់ប្តូររបរដើម្បីភាពរីកចម្រើនរបស់គ្រួសារ។ ជាក់ស្តែងណាស់ បងប្រុស វុន វីត បច្ចុប្បន្ន កំពុងប្រកបរបរជាអ្នកលក់ចាប់ហួយ និងលក់ទឹកក្រឡុក ដែលមានទីតាំងស្ថិតនៅក្នុងភូមិដីឡូត៍សែនចិន ឃុំអូរអំបិល ស្រុកមង្គលបូរី ខេត្តបន្ទាយមានជ័យ។
អាជីវកម្មរបស់បងប្រុសសព្វថ្ងៃពិតជាដំណើរការល្អប្រសើរ ព្រោះមានការគាំទ្រពីអតិថិជនរបស់គាត់ជាច្រើន។ យ៉ាងណាមិញ ការរីកចម្រើននៃរបរបច្ចុប្បន្នរបស់បងប្រុស គឺពិតជាមានការចូលរួមចំណែកពីការគាំទ្រដំណោះស្រាយផ្នែកហិរញ្ញវត្ថុរបស់ អិលអូអិលស៊ី (LOLC)។ គួររំលឹកផងដែរ បន្ទាប់ពីបងប្រុសស្គាល់អិលអូអិលស៊ី (LOLC) តាមរយៈបងប្រុសបង្កើតរបស់ខ្លួន គាត់ក៏បានស្នើកម្ចីចំនួនពីរវគ្គដើម្បីប្រើប្រាស់ក្នុងគោលបំណងបង្កើត និងពង្រីកមុខរបរសព្វថ្ងៃនេះ ដោយបានទិញទំនិញចូលស្តុកបន្ថែម ដើម្បីបង្កើនការលក់របស់គាត់។
ជីវភាពរបស់គ្រួសារបងប្រុស វុន វីត បានធូរធារច្រើនព្រោះចំណូលបានកើនឡើង ដែលអាចឱ្យបងប្រុសសល់ប្រាក់មួយចំនួនសម្រាប់សន្សំ ជាពិសេសគាត់បានកែលម្អគេហដ្ឋានឱ្យធំជាងមុន និងបានសាងសង់បន្ទប់ទឹកសម្រាប់ប្រើប្រាស់ក្នុងគ្រួសារផងដែរ។
បងស្រី នៅ គឹមលាន់
ប្រាក់កម្ចីរបស់ អិលអូអិលស៊ី (LOLC) ពិតជាបានជួយឱ្យជីវភាពគ្រួសាររបស់បងស្រី នៅ គឹមលាន់ មានភាពរីកចម្រើន!
ជាមួយបទពិសោធន៍ និងជំនាញក្នុងការថែរក្សាសម្ផស្សជូនអតិថិជនអស់រយៈពេល ១៥ឆ្នាំមកហើយ បងស្រី គឹមលាន់ ដែលជាម្ចាស់ហាងថែរក្សាសម្ផស្ស និងមានស្វាមីជាអ្នកប្រកបរបររត់រថយន្តឈ្នួល ស្ថិតនៅក្នុងភូមិចក្រី ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង បានចែករំលែកពីដំណើរនៃភាពរីកចម្រើនក្នុងការប្រកបអាជីវកម្ម ក្នុងទឹកមុខញញឹមញញែម និង រួសរាយរាក់ទាក់ បន្ទាប់ពីបានប្រើប្រាស់កម្ចីរបស់ អិលអូអិលស៊ី (LOLC) ហើយទទួលបានភាពជោគជ័យ។
មុនទទួលបានកម្ចីពី អិលអូអិលស៊ី (LOLC)បងស្រី គឹមលាន់ និងស្វាមីពិតជាលំបាកក្នុងការស្វែងរក ចំណូលដើម្បីផ្គត់ផ្គង់ជីវភាពគ្រួសារឱ្យកាន់តែល្អប្រសើរ ដោយសារតែកង្វះខាតដើមទុនក្នុងការប្តូររថយន្តថ្មី និងក្នុងការបន្ថែមសម្ភារសម្រាប់អាជីវកម្មសាឡន។ មូលហេតុនេះហើយទើបធ្វើឱ្យ បងស្រី គឹមលាន់ និងស្វាមី បានជ្រើសយក អិលអូអិលស៊ី (LOLC) ដើម្បីដោះស្រាយ បញ្ហាកង្វះខាតដើមទុន ក្រោយពីទទួលបានព័ត៌មានតាមរយៈការចុះផ្សព្វផ្សាយរបស់បុគ្គលិកអិលអូអិលស៊ី (LOLC)។ ដោយមានទំនុកចិត្ត និងភាពជឿជាក់ ពួកគាត់បានស្នើកម្ចីពី អិលអូអិលស៊ី (LOLC) អស់ចំនួនបួនវគ្គ ចាប់តាំងពីឆ្នាំ២០១៧ រហូតមកដល់បច្ចុប្បន្ននេះ។
បងស្រី គឹមលាន់ បានបន្ថែមដូច្នេះថា “ប្រាក់កម្ចីពី អិលអូអិលស៊ី (LOLC) ពិតជាបានធ្វើឱ្យជីវភាពគ្រួសាររបស់ខ្ញុំមានភាពរីកចម្រើនជាងមុន ហើយកូនរបស់យើងបានទៅរៀនទៀងទាត់ផងដែរ។ មួយវិញទៀត រីឯហាងសាឡនរបស់ខ្ញុំក៏ធំទូលាយ និងមានភាពស្រស់ស្អាត ទាក់ទាញភ្ញៀវឱ្យចូលមកប្រើប្រាស់សេវាកម្មនៅទីនោះបានច្រើនជាងមុនផងដែរ”៕
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
