អ្នកមីង នុត សុខៃ មានភាពប៉ិនប្រសប់ក្នុងការធ្វើម្ហូបយ៉ាងចំណាន និងការប្រើប្រាស់កម្ចីចំគោលដៅ ធ្វើឱ្យអាជីវកម្មរីកចម្រើន និងជីវភាពល្អប្រសើរ
ជាមួយទឹកមុខស្រស់ស្រាយ និងរួសរាយរាក់ទាក់អ្នកមីង នុត សុខៃ បានតំណាលពីភាពរីកចម្រើន និងការពង្រឹងអាជីវកម្មរបស់គាត់ជាមួយការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ថា ដំបូងឡើយគាត់គ្រាន់តែជាអាជីវករម្នាក់ ដែលដឹកទំនិញយកទៅលក់នៅទីក្រុងភ្នំពេញតែប៉ុណ្ណោះ ហើយចំណូលទទួលបានក៏នៅមានកម្រិតនៅឡើយព្រមទាំងមានភាពនឿយហត់ជាខ្លាំងក្នុងការធ្វើដំណើរផ្លូវឆ្ងាយជារៀងរាល់ថ្ងៃ។
ក្រោយមក អ្នកមីង នុត សុខៃ បានបើកអាហារដ្ឋានលក់ស៊ុប និងបាយម្ហូប ស្ថិតនៅភូមិជ្រោយស្លែង ឃុំគិរីចុងកោះ ស្រុគិរីវង់ ខេត្តតាកែវ។ ក្នុងឆ្នាំ២០១៧ អ្នកមីងបានចាប់ផ្តើមបន្ថែមដើមទុនទៅលើអាជីវកម្មថ្មីរបស់គាត់ជាមួយនឹងប្រាក់កម្ចីរបស់ អិលអូអិលស៊ី (LOLC)។ មកដល់បច្ចុប្បន្ន អ្នកមីងបានប្រើប្រាស់កម្ចីរហូតដល់ទៅ៤វគ្គ ដើម្បីគាំទ្រដល់ដំណើរលូតលាស់នៃអាជីវកម្មនេះ។
ក្រៅពីដើមទុនសម្រាប់ពង្រឹង និងពង្រីកអាជីវកម្ម អ្នកមីងក៏បានប្រើប្រាស់ក្នុងគោលបំណងដើម្បីកែលម្អគេហដ្ឋាន និងទិញម៉ូតូសម្រាប់ប្រើប្រាស់ក្នុងគ្រួសារផងដែរ។
ភាពប៉ិនប្រសប់ក្នុងការធ្វើម្ហូបយ៉ាងចំណាន និងការប្រើប្រាស់កម្ចីចំគោលដៅផងនោះទើបធ្វើឱ្យអាជីវកម្មរបស់អ្នកមីង រីកចម្រើន ដោយមានការគាំទ្រ និងទទួលស្គាល់ពីស្នាដៃធ្វើម្ហូបដ៏មានឱជារសរបស់គាត់ពីសំណាក់អតិថិជនជិតឆ្ងាយ ដែលធ្វើឱ្យគាត់មានជីវភាពល្អប្រសើរមកដល់សព្វថ្ងៃ។
បងស្រី កៅ សារី បង្កើតប្រភពចំណូលបន្ថែមតាមរយៈសេវាប្រាក់កម្ចីផ្លូវការពី អិលអូអិលស៊ី (LOLC) គឺជាជម្រើសដែលធ្វើឱ្យគ្រួសារខ្ញុំរីកចម្រើន
បងស្រី កៅ សារី បានប្រកបរបរធ្វើកន្ត្រកលក់អស់រយៈពេលជាង ១០ឆ្នាំមកហើយ និងបន្តរហូតមកដល់ពេលបច្ចុប្បន្ន។ ក្រៅពីការធ្វើកន្ត្រកលក់គាត់ក៏មានមុខរបរចំនួន ៣ផ្សេងទៀត រួមមាន៖ របរលក់ចាប់ហួយដែលគ្រប់គ្រងដោយខ្លួនគាត់ផ្ទាល់ របរធ្វើមងលក់ គ្រប់គ្រងដោយស្វាមី និងរបរជាជាងជួសជុលម៉ូតូ គ្រប់គ្រងដោយកូនប្រុស។ បងស្រី និងក្រុមគ្រួសារមានអាសយដ្ឋាន នៅភូមិស្វាយផ្អែម ឃុំបឹងសាលាខាងត្បូង ស្រុកកំពង់ត្រាច ខេត្តកំពត។
“ប្រាក់កម្ចីលើកដំបូងរបស់ខ្ញុំគឺបានស្នើនៅឆ្នាំ២០១៧មានចំនួន ៧៥០ដុល្លារអាមេរិកតែប៉ុណ្ណោះ ដោយហេតុតែទទួលបានជោគជ័យលើអាជីវកម្ម និងការបង់សងបានទៀងទាត់ផងនោះ ខ្ញុំក៏បានបន្តពង្រីកអាជីវកម្មដោយស្នើសុំការគាំទ្រដើមទុនពី អិលអូអិលស៊ី (LOLC) បន្ថែមទៀតជាបន្តបន្ទាប់រហូតមកដល់បច្ចុប្បន្ននេះ។” លើសពីនេះ តាមរយៈការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ក៏បានធ្វើឱ្យខ្ញុំមានលទ្ធភាពជួសជុលកែលម្អផ្ទះបាយ ក៏ដូចជាផ្ទះរបស់ខ្ញុំទាំងមូលឱ្យមានភាពល្អប្រសើរជាងមុនផងដែរ។ ប្រសាសន៍របស់បងស្រី សារី។
បងស្រីបានបន្ថែមថា “ប្រាក់កម្ចី អិលអូអិលស៊ី (LOLC) គឺជាចំណែកដ៏សំខាន់ដែលបានជួយផ្លាស់ប្រែជីវភាពគ្រួសាររបស់ខ្ញុំឱ្យទទួលបាននូវភាពរីកចម្រើនដូចសព្វថ្ងៃនេះ ព្រោះក្រៅពីសេវាកម្មលឿនរហ័សទាន់ចិត្ត ការប្រាក់សមរម្យ អិលអូអិលស៊ី (LOLC) ក៏បានផ្តល់ជូននូវចំណេះដឹងហិរញ្ញវត្ថុដ៏ល្អៗមកកាន់ខ្ញុំក៏ដូចជាអតិថិជនផ្សេងទៀតនៅតំបន់ដែលខ្ញុំរស់នៅផងដែរ។
បងប្រុស ហ៊ី ចន្ធូ គឺជាអ្នកលក់ពងមាន់ និងពងទា នៅផ្សារបែកចាន ក្នុងខេត្តកណ្តាល
បងប្រុស ហ៊ី ចន្ធូ គឺជាអ្នកលក់ពងមាន់ និងពងទា នៅផ្សារបែកចាន ក្នុងខេត្តកណ្តាល។ គាត់បានប្រកបរបរនេះអស់រយៈពេល ៨ឆ្នាំ មកហើយ។
ជាមួយនឹងទឹកមុខស្រស់ស្រាយ បងប្រុសបានចែករំលែកបទពិសោធន៍នៃដំណើរលូតលាស់អាជីវកម្មរបស់គាត់ និងការគាំទ្រផ្នែកហិរញ្ញវត្ថុពី អិលអូអិលស៊ី (LOLC) ថា “បញ្ហាប្រឈមរបស់ខ្ញុំនៅពេលនោះគឺខ្វះដើមទុន បានឱ្យខ្ញុំមកកាន់ អិលអូអិលស៊ី (LOLC) ដើម្បីទទួលយកជំនួយផ្នែកហិរញ្ញវត្ថុ បន្ទាប់ពីទទួលបានការណែនាំពីបងប្អូន។ តាមរយៈប្រាក់កម្ចីជាបន្តបន្ទាប់ពី អិលអូអិលស៊ី (LOLC) ខ្ញុំបានពង្រីកការលក់ដូររបស់ខ្ញុំដោយអាចផ្គត់ផ្គង់តាមតម្រូវការដ៏ច្រើនរបស់អតិថិជនបាន”។
សព្វថ្ងៃចំណូលដែលបានពីភាពរីកចម្រើននៃអាជីវកម្មរបស់គាត់ មិនត្រឹមតែអាចផ្គត់ផ្គង់សម្រាប់គ្រួសាររបស់គាត់ទាំងមូលទេ ប៉ុន្តែថែមទាំងសល់ប្រាក់ខ្លះសម្រាប់សន្សំ ព្រមទាំងកែលម្អគេហដ្ឋាន និងផ្គត់ផ្គង់ការសិក្សារបស់កូនៗបានយ៉ាងពេញលេញទៀតផង។ បងប្រុស បានឱ្យដឹងថា កម្ចីជាដើមទុនពី អិលអូអិលស៊ី (LOLC) ធ្វើឱ្យគាត់អាចពង្រីកអាជីវកម្មបានយ៉ាងរឹងមាំ និងមានភាពល្អប្រសើរជាងមុន។
បងប្រុស ញែម សុធា “ប្រាក់កម្ចីរបស់ អិលអូអិលស៊ី (LOLC) ពិតជាបានផ្លាស់ប្តូរជីវភាព និងធ្វើឱ្យអាជីវកម្មរបស់ខ្ញុំរីកចម្រើនពិតប្រាកដមែន”
ធ្លាប់ជាអតីតកម្មករបម្រើការងាររោងចក្រនៅក្រៅប្រទេស បងប្រុស ញែម សុធា បានកម្លាយខ្លួនមកជាអាជីវករលក់គ្រឿងសមុទ្រនៅផ្សារមោងឫស្សី ស្ថិតក្នុងភូមិតាតុក១ ឃុំមោង ស្រុកមោងឫស្សី ខេត្តបាត់ដំបង។ ថ្វីតិ្បតតែអាជីវកម្មរបស់បងប្រុស ដំណើរការទៅមុខជាបន្តបន្ទាប់ហើយក្តី ក៏បងប្រុសនៅតែចិញ្ចឹមចិត្តចង់ពង្រីកអាជីវកម្មមួយនេះឱ្យកាន់តែរីកលូតលាស់បន្ថែមទៀត។ ដោយហេតុផលនេះហើយ ទើបបងប្រុសស្វែងរកដំណោះស្រាយហិរញ្ញវត្ថុ ដើម្បីគាំទ្រដល់ដំណើរការនៃការពង្រីកអាជីវកម្មនេះ។
ដោយបានគិតគូរច្បាស់លាស់ និងយល់ច្បាស់ពីលក្ខណៈរបស់ប្រាក់កម្ចី បងប្រុសញែម សុធា បានសម្រេចជ្រើសរើស អិលអូអិលស៊ី (LOLC) ដើម្បីស្នើដើមទុនយកមកពង្រីកអាជីវកម្មរបស់ខ្លួន បន្ទាប់ពីទទួលបានការណែនាំពីបងប្អូន និងប្រឹក្សាយ៉ាងលម្អិតជាមួយមន្ត្រីប្រឹក្សាលក់សេវាហិរញ្ញវត្ថុ។ បងប្រុស បានក្លាយជាអតិថិជនរបស់ អិលអូអិលស៊ី (LOLC) តាំងពីឆ្នាំ២០១៩ ហើយបានប្រើប្រាស់កម្ចីចំនួនពីរវគ្គ ដើម្បីពង្រីកអាជីវកម្ម តាមរយៈការទិញគ្រឿងសមុទ្របន្ថែមសម្រាប់លក់។
ជាសក្ខីភាព ប្រាក់ចំណូលរបស់បងប្រុសបានកើនឡើងគួឱ្យកត់សម្គាល់ ដែលបានមកពីភាពរីកចម្រើននៃអាជីវកម្ម។ នេះជាគុណតម្លៃនៃប្រាក់កម្ចីរបស់ អិលអូអិលស៊ី (LOLC) គួបផ្សំនឹងភាពឆ្លាតវៃ និងការខិតខំប្រឹងប្រែងរបស់គាត់ ទើបអាជីវកម្មមួយនេះរីកចម្រើន។ បងប្រុសបានលើកឡើងថា “សព្វថ្ងៃខ្ញុំមានប្រភពចំណូលដ៏រឹងមាំ និងមានជីវភាពធូរធាជាងមុនបន្ទាប់ពីមានដើមទុនគ្រប់គ្រាន់ដើម្បីគាំទ្រឱ្យអាជីវកម្មទទួលបាននូវភាពរីកចម្រើន”។
អ្នកមីង ភោគ ធីតា ជាអាជីវករលក់ស្បែកជើងនៅផ្សារលើ
អ្នកមីង ភោគ ធីតា ចាប់យកឱកាសដោយជ្រើសរើស អិលអូអិលស៊ី (LOLC) ដើម្បីជួយគាំទ្រផ្នែកហិរញ្ញវត្ថុធ្វើឱ្យអាជីវកម្មរីកចម្រើន។ ដោយមើលឃើញពីឱកាសក្នុងការបង្កើនប្រាក់ចំណូល ទន្ទឹមនឹងមានតម្រូវការដើមទុនបន្ថែមសម្រាប់ពង្រីកមុខរបរផងដែរនោះ អ្នកមីង ភោគ ធីតា ដែលជាអាជីវករលក់ស្បែកជើងនៅផ្សារលើ ស្ថិតនៅភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង បានសើ្នកម្ចីពី អិលអូអិលស៊ី (LOLC) ចំនួនពីរវគ្គសម្រាប់ពង្រីកអាជីវកម្ម ដោយកម្ចីទីមួយរបស់គាត់បានប្រើប្រាស់ដើម្បីទិញតូបបន្ថែម និងកម្ចីទីពីរគឺដើម្បីទិញស្បែកជើងបន្ថែមសម្រាប់លក់។ ប្រាក់កម្ចីរបស់ អិលអូអិលស៊ី (LOLC) ពិតជាបានជួយឱ្យអាជីវកម្មរបស់ អ្នកមីង ភោគ ធីតា មានភាពរីកចម្រើនជាខ្លាំង។ ព្រោះតាមរយៈនេះ បានធ្វើឱ្យអ្នកមីងមានដើមទុនគ្រប់គ្រាន់ក្នុងការទិញទំនិញបន្ថែមសម្រាប់លក់ជូនភ្ញៀវ និងធ្វើឱ្យការលក់របស់គាត់មានការកើនឡើង អាចរកចំណូលបានច្រើនជាងមុនពីមួយថ្ងៃទៅមួយថ្ងៃ ដែលធ្វើឱ្យគាត់មានលទ្ធភាពកែលម្អគេហដ្ឋាន និងពង្រីកដីធ្លីឱ្យបានធំជាងមុន។
ស្របពេលជាមួយគ្នានោះ អ្នកមីងក៏បានថ្លែងអំណរគុណដល់ អិលអូអិលស៊ី (LOLC) ដែលបានផ្តល់កម្ចីជាដើមទុនដល់គាត់ដើម្បីពង្រីកអាជីវកម្មឱ្យរីកចម្រើន ធ្វើឱ្យគាត់អាចរកចំណូលបានខ្ពស់ ព្រមទាំងបានចែករំលែកចំណេះដឹងហិរញ្ញវត្ថុដល់រូបគាត់អំពីការគ្រប់គ្រងសាច់ប្រាក់ឱ្យមានប្រសិទ្ធភាពខ្ពស់ផងដែរ។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
