បងប្រុស ភារម្យ ជឿថា ការគាំទ្រផ្នែកហិរញ្ញវត្ថុពី អិលអូអិលស៊ី (LOLC) បានចូលរួមចំណែកធ្វើឱ្យអាជីវកម្មរបស់គាត់រីកចម្រើន ហើយថែមទាំងសម្រេចនូវក្តីប្រាថ្នាក្នុងការផ្គត់ផ្គង់ការរៀនសូត្ររបស់កូនៗ និងមានការទទួលស្គាល់ពីសហគមន៍ដែលគាត់កំពុងរស់នៅ។
បងប្រុស ហ៊ុន ភារម្យ គឺជាជាងជួសជុលម៉ូតូ ស្ថិតនៅភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។ ត្រឡប់ទៅមើលកាលពីប៉ុន្មានឆ្នាំមុន បងប្រុសមិន មានលទ្ធភាពគ្រប់គ្រាន់ដើម្បីពង្រីកមុខរបររបស់គាត់នោះទេ ទោះបីជាគាត់ប្រកបមុខរបរនេះអស់រយៈពេលជាច្រើនឆ្នាំមកក៏ដោយ។ អាស្រ័យហេតុនេះ ទើបបងប្រុស យល់ឃើញថា ការដែលស្នើសុំប្រាក់កម្ចីដើម្បីធ្វើជាជំនួយផ្នែកហិរញ្ញវត្ថុ ក្នុងការពង្រីកអាជីវកម្ម គឺជាជម្រើសដ៏ល្អមួយ ដែលធ្វើឱ្យអាជីវកម្មរបស់គាត់រីកចម្រើន និងមានជីវភាពធូរធារ។
ជាមួយនឹងប្រាក់កម្ចីដំបូងពី អិលអូអិលស៊ី (LOLC) បងប្រុស ភារម្យ បានយកមកពង្រីកអាជីវកម្មរបស់គាត់ និងបានធ្វើឱ្យអាជីវកម្មនោះចាប់ផ្តើមផ្លាស់ប្តូរទៅកាន់ភាពរីកចម្រើន។ ដោយពេញចិត្តផលិតផលប្រាក់កម្ចី និងសេវាកម្មដ៏សម្បូរបែបរបស់ អិលអូអិលស៊ី (LOLC) បានធ្វើឱ្យបង ភារម្យ បន្តប្រើប្រាស់ប្រាក់កម្ចីជាបន្តបន្ទាប់រហូតដល់ទៅ ៤វគ្គ ក្នុងគោលបំណងពង្រីកអាជីវកម្ម ទិញសម្ភារបន្ថែមសម្រាប់មុខរបរជួសជុលម៉ូតូ និងពង្រីកតូបជួសជុលម៉ូតូរបស់គាត់ឱ្យកាន់តែធំទូលាយ។
បច្ចុប្បន្ន ជីវភាពរស់នៅរបស់គ្រួសារ បងប្រុស ភារម្យ មានភាពធូរធារជាងមុនច្រើន ដែលអាចឱ្យគាត់មានលទ្ធភាពពង្រីកអាជីវកម្មឱ្យរីកចម្រើន ដែលទទួលបានការគាំទ្រពីអតិថិជនជិតឆ្ងាយកាន់តែច្រើន និងមានលទ្ធភាពផ្គត់ផ្គង់ការសិក្សារៀនសូត្ររបស់កូនៗគាត់ឱ្យទទួលបានការអប់រំគ្រប់ៗគ្នា រួមទាំងបានកែប្រែគេហដ្ឋានរបស់គាត់ពីផ្ទះឈើតៀមតូចចង្អៀត ក្លាយជាផ្ទះថ្មធំទូលាយជាងមុន។
ជាមួយនឹងស្នាមញញឹម បងស្រី មួង ណៃអ៊ាង បានអរគុណ និងមានក្ដីរីករាយមកកាន់ អិលអូអិលស៊ី (LOLC) ជាខ្លាំងដែលបានចូលរួមចំណែកក្នុងការផ្លាស់ប្តូរស្ថានភាពគ្រួសាររបស់គាត់។
ដោយបានការគាំទ្រតាមរយៈការផ្ដល់ប្រាក់កម្ចី ដែលបានធ្វើអោយអាជីវកម្មរបស់គាត់ មានភាពរីកចម្រើន ព្រមទាំងធ្វើឱ្យគាត់អាចផ្គត់ផ្គង់គ្រួសារបានគ្រប់គ្រាន់ និងមានប្រាក់អាចសន្សំសម្រាប់ថ្ងៃអនាគតថែមទៀតផង។
បងស្រី មួង ណៃអ៊ាង គឺជាអ្នករស់នៅស្រុកអូរាំងឪ ក្នុងខេត្តត្បូងឃ្មុំ មានមុខរបរជាកសិករដាំដុះ និងលក់ស្លឹកម្លូ និងផ្លែស្លា។ បងស្រី មានកូនពីរនាក់ ដែលកូនប្រុសច្បងប្រកបការងារជាមួយគាត់ផ្ទាល់ក្នុងការដាំដុះ និងប្រមូលផល ព្រមទាំងជួយគ្រប់គ្រងអាជីវកម្មនៅក្នុងគ្រួសារ ចំណែកកូនស្រីពៅកំពុងសិក្សានៅថ្នាក់វិទ្យាល័យនៅឡើយ។
ដោយសារកង្វះខាតដើមទុនសម្រាប់ពង្រីកអាជីវកម្ម និងពង្រីកការដាំដុះដំណាំម្លូរ និងស្លា ជាមួយការប្ដេជ្ញាចិត្តក្នុងការខិតខំប្រឹងប្រែង និងឆន្ទះក្នុងការកសាងជីវភាពរស់នៅឱ្យកាន់តែល្អប្រសើរ បងស្រី ណៃអ៊ាង បានស្វែងរកជំនួយហិរញ្ញដែលគួរឱ្យទុកចិត្តបាន។ ជាចុងក្រោយ បងស្រី បានជ្រើសរើស អិលអូអិលស៊ី (LOLC) ដើម្បីជាដៃគូរហិរញ្ញវត្ថុរបស់គាត់។ ស្ថានភាពសេដ្ឋកិច្ចគ្រួសារ និងអាជីវកម្មរបស់ បងស្រី ក៏ចាប់ផ្ដើមល្អប្រសើរឡើងនៅឆ្នាំ ២០២១ ក្រោយពេលដែលគាត់បានប្រើប្រាស់ប្រាក់កម្ចីដែលជាជំនួយផ្នែកហិរញ្ញវត្ថុពី អិលអូអិលស៊ី (LOLC)។ ដោយមើលឃើញពីភាពរីកចម្រើនក្នុងការប្រើប្រាស់កម្ចីលើកដំបូង បងស្រី ក៏បន្តប្រើប្រាស់ប្រាក់កម្ចីជាបន្តបន្ទាប់បន្ថែមទៀត។
ការខិតខំប្រឹងប្រែងលើមុខរបរដាំ និងលក់ស្លឹកម្លូ និងផ្លែស្លាបានធ្វើឱ្យ បងស្រី ណៃអ៊ាង ទទួលបានទិន្នផលច្រើន និង នាំឱ្យការលក់របស់គាត់ដាច់ខ្លាំងជាងមុន ជាពិសេសបានផ្គត់ផ្គង់ទៅកាន់អតិថិជនរបស់គាត់បានគ្រប់គ្រាន់តាមតម្រូវការ។ បើនិយាយអំពីប្រាក់ចំណូលក្នុងគ្រួសារបស់បងស្រី ក៏បានកើនឡើងកាន់តែខ្ពស់ ដែលអាចឱ្យគាត់មានលទ្ធភាពសាងសង់ផ្ទះបានពីរខ្នងបន្ថែម ទិញដីទុកបានជាច្រើនហិកតា និងមានទុនបម្រុងគ្រប់គ្រាន់សម្រាប់ពង្រីកអាជីវកម្មផងដែរ។
ខាងក្រោមនេះគឺជាសំណេររបស់បងស្រី ស្វាយ សំណាង ដែលបានសម្រេចក្តីប្រាថ្នារបស់គាត់ជាបន្តបន្ទាប់ ក្រោយពីបានប្រើប្រាស់កម្ចីរបស់ អិលអូអិលស៊ី។
ភាពជោគជ័យ គឺបានមកពីការខិតខំប្រឹងប្រែងគួបផ្សំនឹងភាពប៉ិនប្រសប់ និងឈ្លាសវៃផងដែរ។ តាមរយៈការខិតខំប្រឹងប្រែងជាមួយនឹងបា្រក់កម្ចីពី អិលអូអិលស៊ី (LOLC) បានជំរុញឱ្យ អាជីវកម្មរបស់បងស្រី ស្វាយ សំណាង ទទួលបានភាពជោគជ័យលើសពីការរំពឹងទុក ព្រមទាំងបានបង្កើនប្រាក់ចំណូលឱ្យកាន់តែច្រើនឡើងៗ ដែលជាហេតុធ្វើឱ្យ បងស្រី សំណាង អាចសម្រេចក្តីប្រាថ្នារបស់គាត់ជាបន្តបន្ទាប់។
បងស្រី សំណាង ជាអ្នករស់នៅក្នុងខេត្តត្បូងឃ្មុំ មានវ័យ ៣៥ឆ្នាំ និងប្រកបរបរ លក់ចាប់ហួយ ហើយគាត់បានប្រកបរបរនេះអស់រយៈពេលប្រមាណ ៥ឆ្នាំ មកហើយ។ ពីមុនតាមរយៈចំណូលប្រចាំថ្ងៃ និងប្រាក់សន្សំបន្តិចបន្តួចរបស់ បងស្រី មិនអាចឱ្យគាត់សម្រេចក្តីប្រាថ្នាក្នុងការពង្រីកអាជីវកម្មរបស់គាត់បានទាំងស្រុងនោះឡើយ។ អាស្រ័យហេតុនេះ គាត់ក៏បានប្រើប្រាស់ប្រាក់កម្ចី ដែលជា ជំនួយផ្នែកហិរញ្ញវត្ថុពី អិលអូអិលស៊ី (LOLC) ដើម្បីធ្វើជាដើមទុនក្នុងការពង្រីកអាជីវកម្ម។ ប្រាក់កម្ចីដែលបានស្នើនោះគាត់យកមកប្រើប្រាស់ដូចជាបង្កើនមុខទំនិញថ្មីៗបន្ថែម និងទិញអីវ៉ាន់ស្ដុកទុកឱ្យច្រើនជាងមុនសម្រាប់ផ្គត់ផ្គង់ជូនភ្ញៀវ។
ក្រោយប្រើប្រាស់កម្ចីដើម្បីពង្រីកអាជីវកម្មពីមួយវគ្គទៅមួយវគ្គ បងស្រីបានសង្កេតឃើញ ការរីកចម្រើននៃអាជីវកម្មរបស់ខ្លួនគួរឱ្យកត់សម្គាល់។ ភាពរីកចម្រើននៃអាជីវកម្មនាពេលបច្ចុប្បន្ន បានធ្វើឱ្យជីវភាពរស់នៅរបស់ បងស្រី សំណាង មានភាពល្អប្រសើរ និងមានលទ្ធភាពគ្រប់គ្រាន់ក្នុងការកែលម្អគេហដ្ឋានរបស់គាត់ទៀតផង។
បងស្រី សៀន គីមសាន់ អ្នកលក់សម្លៀកបំពាក់ និងស្បែកជើងបុរស និងស្ត្រីនៅខេត្តតាកែវ បានចែករំលែកបទពិសោធន៍របស់គាត់មុន និងក្រោយពេលទទួលបានប្រាក់កម្ចីពី LOLC ។
“កាលពីមុន ខ្ញុំមិនមានដើមទុនគ្រប់គ្រាន់ដើម្បីទំនុកបម្រុងអាជីវកម្មរបស់ខ្ញុំឱ្យដំណើរការបានល្អប្រសើរនោះទេ ដូច្នេះហើយ ទើបមិនមានសម្លៀកបំពាក់ ក៏ដូចជាស្បែកជើងសម្បូរបែបដើម្បីបំពេញតម្រូវការរបស់អតិថិជន” ប្រសាសន៍ បងស្រី សៀន គឹមសាន់ ដែលជាអ្នកលក់សម្លៀកបំពាក់ និងស្បែកជើងបុរស នារី នៅខេត្តតាកែវ ជាមួយនឹងបទពិសោធន៍នៃការប្រកបរបរនេះអស់រយៈពេលជាងមួយទសវត្សរ៍មកហើយ។
ថ្ងៃមួយ បងស្រី ក៏សម្រេចចិត្តចាប់យកឱកាសក្នុងការអភិវឌ្ឍអាជីវកម្មរបស់ខ្លួនជាមួយដៃគូគាំទ្រផ្នែកហិរញ្ញវត្ថុរបស់គាត់គឺ អិលអូអិលស៊ី (LOLC)។ មិនបង្អង់យូរ បងស្រី បានស្នើប្រាក់កម្ចី ដើម្បីពង្រីកអាជីវកម្មរបស់គាត់ និងទិញតូបបន្ថែមនៅទីផ្សារ។
បន្ទាប់ពីប្រើប្រាស់ប្រាក់កម្ចី អិលអូអិលស៊ី (LOLC) អស់មួយរយៈ បងស្រី បានសង្កេតឃើញពីភាពប្រសើរឡើង និងរីកចម្រើនគួរឱ្យកត់សម្គាល់ទាំងជីវភាពផ្ទាល់ខ្លួន និងអាជីវកម្មរបស់គាត់។ ដោយការប្រើប្រាស់កម្ចីប្រកបដោយភាពឈ្លាសវៃ និងប៉ិនប្រសប់ បងស្រី អាចជួយឱ្យជីវភាពរស់នៅប្រចាំថ្ងៃរបស់គាត់បានល្អប្រសើរ ហើយថែមទាំងបានបង្កើនទ្រព្យសម្បត្តិបន្ថែមទៀតផង។
សមិទ្ធផលដែល បងស្រី ទទួលបានក្រោយពីប្រើប្រាស់ប្រាក់កម្ចីពី អិលអូអិលស៊ី គឺពង្រីកអាជីវកម្មរបស់គាត់ឱ្យធំជាងមុន បានទិញតូបថ្មីចំនួន៤ បន្ថែមនៅក្នុងផ្សារ និងមានអីវ៉ាន់សម្បូរបែបជាច្រើនប្រភេទសម្រាប់លក់ និងបំពេញតម្រូវការអតិថិជនរបស់គាត់ឱ្យកាន់តែប្រសើរឡើង និងថែមទាំងបានទាក់ទាញអតិថិជនថ្មីៗជាបន្តបន្ទាប់។
បងស្រី បានបន្ថែមថា “កម្ចីដែលខ្ញុំទទួលបានពី អិលអូអិលស៊ី (LOLC) ពិតជាបានចូលរួមចំណែកយ៉ាងសំខាន់ក្នុងការជួយលើកកម្ពស់ជីវភាពគ្រួសារខ្ញុំ”។
ដើម្បីបន្តក្តីសុបិន្តរបស់គាត់ក្នុងការពង្រីកអាជីវកម្មរបស់គាត់ និងសម្រេចបាននូវភាពរីកចម្រើនកាន់តែខ្លាំង បងប្រុស វង្ស ប៊ុនថាត បានចាប់ដៃគូជាមួយ LOLC ដោយយកប្រាក់កម្ចីដើម្បីវិនិយោគលើអាជីវកម្មរបស់គាត់។
នេះគឺជារឿងរ៉ាវ បងប្រុស វង្ស ប៊ុនថាត ដែលជាកសិករប្រកបរបរដាំស្វាយចន្ទី ដាំដំឡូង និងជាអ្នកបណ្តុះផ្សិតលក់ស្ថិតនៅភូមិអូរទេវតា ឃុំកំពង់ដំរី ស្រុកឆ្លូង ខេត្តក្រចេះ។
បងប្រុស មានការតាំងចិត្ត និងមានក្តីស្រមៃចង់ពង្រីកអាជីវកម្មរបស់ខ្លួនឱ្យកាន់តែរីកចម្រើន ប៉ុន្តែគាត់ពុំមានដើមទុនគ្រប់គ្រាន់ដើម្បីធ្វើវា។ ស្របពេលជាមួយគ្នានោះផងដែរ គាត់ត្រូវបានណែនាំឱ្យស្គាល់ អិលអូអិលស៊ី (LOLC) ខណៈពេលនោះគាត់ក៏បានសម្រេចចិត្តខ្ចីកម្ចីពី អិលអូអិលស៊ី (LOLC) លើកដំបូងដើម្បីធ្វើជាទុនវិនិយោគក្នុងអាជីវកម្មរបស់គាត់ ក៏ដូចជាការចាប់ផ្តើមថ្មីមួយផងដែរ។
ជាមួយនឹងប្រាក់កម្ចីដំបូងបងប្រុស វង្ស ប៊ុនថាត និងភរិយាបានយកទៅទិញដីចម្ការ និងបានពង្រីកកន្លែងបណ្តុះផ្សិតបន្ថែម ដែលជាហេតុធ្វើឱ្យការបណ្ដុះផ្សិតរបស់គាត់ទទួលបានផលច្រើនជាងមុន ហើយអាចផ្គត់ផ្គង់ផ្សិតទៅកាន់អតិថិជនរបស់គាត់បានគ្រប់គ្រាន់ និងទាន់ពេលវេលា រួមទាំងបានទាក់ទាញអតិថិជនថ្មីៗឱ្យកាន់តែច្រើនបន្ថែមទៀតផងដែរ។ ការចាប់ផ្តើមនៃការប្រើប្រាស់កម្ចីជាដើមទុននេះ បានធ្វើឱ្យអាជីវកម្មរបស់បងប្រុស មានការរីកចម្រើនយ៉ាងឆាប់រហ័ស។ ដោយមើលឃើញពីភាពជោគជ័យនៃអាជីវកម្ម បងប្រុស បានស្នើប្រាក់កម្ចីចំនួនពីរវគ្គបន្ថែមទៀតពី អិលអូអិលស៊ី (LOLC) ដើម្បីពង្រីកអាជីវកម្មរបស់ខ្លួន ក៏ដូចជាបង្កើនលទ្ធភាពក្នុងការពង្រីកការដាំដុះ និងលើកកម្ពស់គុណភាពនៃផលដំណាំរបស់គាត់បន្ថែម។
បងប្រុស ប៊ុនថាត ចាត់ទុកភាពជោគជ័យជាច្រើនកន្លងមករបស់គាត់ គឺបានមកពីការជួយគាំទ្រផ្នែកហិរញ្ញវត្ថុដ៏មានទំនុកចិត្តពី អិលអូអិលស៊ី (LOLC) ជាមួយនឹងអត្រាការប្រាក់សមរម្យ និងលក្ខខណ្ឌងាយស្រួល។ ជាងនេះទៅទៀត អិលអូអិលស៊ី (LOLC) បានចែករំលែកនូវចំណេះដឹងហិរញ្ញវត្ថុមួយចំនួនបន្ថែមដល់បងប្រុស អំពីការប្រើប្រាស់កម្ចីឱ្យចំគោលដៅ និងចៀសវាងការប្រើប្រាស់កម្ចីខុសគោលដៅ ឬយកប្រាក់កម្ចីទៅចែកគ្នាបន្ត។ ហើយការយល់ដឹងនេះបានដើរតួយ៉ាងសំខាន់ក្នុងការទ្រទ្រង់ និងធ្វើឱ្យអាជីវកម្មរបស់គាត់មានភាពរីកចម្រើនក៏ដូចជាធ្វើឱ្យប្រសើរឡើងនូវស្ថិរភាពហិរញ្ញវត្ថុរបស់គ្រួសារគាត់ផងដែរ។
អាស័យដា្ឋន៖ អគារលេខ ៦៦៦B ផ្លូវលេខ ២៧១ ភូមិក្បាលទំនប់១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
សុវត្ថិភាពសេវាកម្មពត៌មាន
