Promotions
ប្រូម៉ូសិន
Home
Media
Latest News
អិលអូអិលស៊ី ប្រគល់ជូនស្ទីគឃ័រ QR Code NoDrug ដល់អាជ្ញាធរជាតិប្រយុទ្ធប្រឆាំងគ្រឿងញៀន សម្រាប់ផ្សព្វផ្សាយក្នុងឱកាសបុណ្យចូលឆ្នាំខ្មែរ ២០២៥
អិលអូអិលស៊ី ប្រគល់ជូនស្ទីគឃ័រ QR Code NoDrug ដល់អាជ្ញាធរជាតិប្រយុទ្ធប្រឆាំងគ្រឿងញៀន សម្រាប់ផ្សព្វផ្សាយក្នុងឱកាសបុណ្យចូលឆ្នាំខ្មែរ ២០២៥
រាជធានីភ្នំពេញ ថ្ងៃទី០៨ ខែមេសា ឆ្នាំ២០២៥៖ គ្រឹះស្ថានមីក្រូហិរញ្ញវត្ថុ អិលអូអិលស៊ី បានប្រគល់ជូននូវ ស្ទីគឃ័រ App NoDrug ចំនួន ១.២០០សន្លឹក ដល់អាជ្ញាធរជាតិប្រយុទ្ធប្រឆាំងគ្រឿងញៀន នៅការិយាល័យកណ្ដាលអិលអូអិលស៊ី សម្រាប់ផ្សព្វផ្សាយក្នុងឱកាសបុណ្យចូលឆ្នាំខ្មែរខាងមុខនេះ។
ពិធីប្រគល់ទទួលនេះ មានវត្តមានចូលរួមដ៏ខ្ពង់ខ្ពស់ពី ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈនៃអាជ្ញាធរជាតិប្រយុទ្ធប្រឆាំងគ្រឿងញៀន និងលោក សុខ វឿន ប្រធាននាយកប្រតិបត្ដិគ្រឹះស្ថានមីក្រូហិរញ្ញវត្ថុ អិលអូអិលស៊ី។
តាងនាម ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន នាឱកាសនោះដែរ ឧត្តមសេនីយ៍ឯក លឹម តុងហួត ថ្លែងអំណរគុណដល់គ្រឹះស្ថានមីក្រូហិរញ្ញវត្ថុ អិលអូអិលស៊ី ដែលបានចូលរួមចំណែកផ្សព្វផ្សាយពីបញ្ហាគ្រឿងញៀននាពេលកន្លង។
ស្ទីគឃ័រនេះនឹងបិទនៅលើរថយន្តក្រុងរបស់រដ្ឋបាលរាជធានីភ្នំពេញ ដើម្បីជួយជំរុញ និងលើកកម្ពស់ឱ្យប្រជាពលរដ្ឋធ្វើការទាញយក App NoDrug តាមរយៈការស្គែន QR Code ដែលមានលើស្ទីគឃ័រមកប្រើប្រាស់ដើម្បីទទួលបានចំណេះដឹង និងរាយការណ៍រាល់ករណីគ្រឿងញៀននៅមូលដ្ឋានដោយទទួលបានការដោះស្រាយយ៉ាងមានប្រសិទ្ធភាព ក៏ដូចជាបានសហការជាមួយគណៈកម្មាធិការត្រួតពិនិត្យគ្រឿងញៀនខេត្តសៀមរាប ក្រសួងទេសចរណ៍ សហភាពសហព័ន្ធយុវជនកម្ពុជា និងវិស័យឯកជន ដើម្បីផ្សព្វផ្សាយក្នុងតាំងពិព័រណ៍នៅព្រឹត្តិការណ៍អង្គរសង្ក្រាន្ត និងការតាំងពិព័រណ៌នៅមាត់ស្ទឹងសៀមរាប ក្នុងឱកាសបុណ្យចូលឆ្នាំថ្មីឆ្នាំម្សាញ់ សប្តស័ក ព.ស.២៥៦៩ ខាងមុខនេះ។
លោក សុខ វឿន ប្រធាននាយកប្រតិបត្តិគ្រឹះស្ថានមីក្រូហិរញ្ញវត្ថុ អិលអូអិលស៊ី បានបង្ហាញសេចក្តីសោមនស្សរីករាយ និងបន្តចូលរួមជួយឧបត្ថម្ភដល់អាជ្ញាធរជាតិប្រយុទ្ធប្រឆាំងគ្រឿងញៀននូវសម្ភារផ្សព្វផ្សាយអំពីបញ្ហាគ្រឿងញៀន នៅតាមកម្មវិធីថ្នាក់ជាតិ ក៏ដូចជាមូលដ្ឋានក្នុងគោលបំណងលើកកម្ពស់ការយល់ដឹងអំពីបញ្ហាគ្រឿងញៀនដល់ប្រជាពលរដ្ឋទូទៅ ពិសេសយុវជនកុំឲ្យទៅពាក់ព័ន្ធនឹងបញ្ហាគ្រឿងញៀន។
Publish date: April 09, 2025
Related Post
LOLC (Cambodia) Plc. has been serving Cambodian public and society for over 30 years, and has been recognized by both local and international financial authorities. Our products and services are committed to improving the livelihood of Cambodian customers.
#666B, Street 271, Kbal Tumnub Muoy Village, Sangkat Boeng Tumpun 2, Khan Mean Chey, Phnom Penh, Cambodia.
 023 991 991 |
|
Information Security
©Copyright 2025 LOLC (Cambodia) Plc , All Rights Reserved